Embung Tambakboyo, Wisata Murah Ditengah Kota

  Embung Tambakboyo inggih menika salah sawijining salah sawijinig waduk wonten ing wilayah Sleman, Yogyakarta. Sejatosipum waduk menika wonten ing tigang Desa inggih menika Condongcatur, Maguwo dan Wedomartani. Rencana pembangunan wonten ing embung menika sampun dipunwiwiti awit tahun 2003 ngantos 5 tahun dumugi tahun 2008 lan sakmenika pembangunan sampun paripurna.
Waduk ingkang nggadhahi luas 7,8 hektar dan volume tampungan ngantos 400.000 m3 menika nggadhahi wilayah ingkang langkung ageng. Fungsi utama awit waduk inggih menika kagem cadangan lan resapan air tanah kagem warga Bantul, Sleman, Yogyakarta, kegem sarana pengairan, lan cadangan air kagem PDAM. Nanging wonten ing pengembangan waduk menika taksih asring dipunginaaken sarana rekreasi kadosta memancing, olahraga, utawi piknik.

 Papan kangge olahraga ingkang biasanipun inggih menika dalan ingkang sampun dipunkonblok  ingkang nggadhahi jarak ingkang langkung tebih. Awit saking menika saged narik wisatawan antawisipun pemandangan ingkang endah. Wonten ing sekitar embung ugi wonten penginapan ing sakiwa tengene Embung ingkang saged dipun-ginaaken bilih badhe nginep saking luar kota.

Wilayah sakiwa tengene waduk menika sampun didesain khusus sapados rapi saengga nggadhahi pemandangan ingkang langkung endah. Menawi badhe berkunjung, waduk menika nggadhahi lokasi ingkang langkung gampil. Papanipun wonten ing sekitar 1 km mengaler Ringroad Utara utawi kampus Universitas Pembangunan Nasional “Veteran” Yogyakarta. Transportasi ugi langkung gampil menawi panjenengan nitih kendaraan roda loro utawi roda papat.

Kagem para mania mancing, salah satunggaling keistimewaan saking waduk menika salah satunggaling spot ingkang sae sanget kagem jenis ulam air tawar (freshwater). Ing waduk Tambak boyo menika wonten kathah jinising ulam, kadosta nila, lele, gabus, bawal air tawar,  redslayer, sidat, lobster tawar, lsp. Nanging wonten ing waduk menika langkung dominan iwak nila. Amargi pemerintah setempat sampun nate nyebar benih iwak nila.

Kegiatan mincing ing waduk menika hamper saben dinten dilakoni dening para mancing mania saking pundi-pundi asalipun. Khususipun warga Yogyakarta lan sekitare. Lan ugi hamper saben dinten waktu aktifitas mancing dilakoni ing papan menika, wekdal ingkang langkung rame kagem mancing wiwit enjang (antawisipun jam 05.00 – 10.00 WIB), sonten (antawisipun jam 15.00 – 18.00 WIB) lan ugi dalu (jam 20.00 – 01.00 WIB). Rata-rata para mancing mania sampun nggadhahi wekdal favorit piyambak-piyambak.

Para mancing mania ingkang mancing ing waduk menika nggadhahi pinten-pinten teknik mincing ingkang dipun-ginaake. Awit saking teknik dasar ngginaaken umpan cacing, ngagen pelampung ngagen pelet, lan ugi ngagem walesan tegek lan umpan lumut. Tergantung awit saking ulam menapa ingkang dipunkersaaken. Biasanipun menawi badhe ngersaaken ulam nila ingkang langkung ageng, para mancing mania ngginaaken teknik dasaran ngagem umpan cacing, pelet utawi lumut. Lan ugi wonten ingkang ngginaaken walesan tegek biasane kagem mancing ulam ingkang langkung alit ngginaake umpan lumut.

Dening: Imam Maskur Rahmat