Dongeng Kelinci lan Kura-Kura

Wonten sakelompok kewan ingkang gesang wonten ing satunggaling alas caket desa. Wonten mrika wonten kelinci ingkang sombong lan remen ngremehaken kewan ingkang boten gadhah daya kaya dene kelinci, kewan menika kadosta semut, uler, cacing, kupu-kupu, lan sanesipun. Kewan menika boten wonten ingkang remen kaliyan kelinci ingkang sombong menika.

Wonten ing satungaling dinten, kelinci saweg mlampah ing alas. Wonten mergi kelinci kepethuk kaliyan kura-kura. Lajeng kelinci matur “hey, kura-kura alon!”.
“ya ben, kula mlampah pancen alon, sing penting slamet” wangsulane kura-kura. Lajeng kelinci nantang kura-kura kangge adu mlayu, ananging kura-kura amargi kura-kura menika boten cepet anggenipun mlayu.

Kelinci meksa kura-kura supados purun balapan mlayu. “pokoke ngenjang tek tunggu neng ngisor wit wringin, aku ngajak macan supados dados wasit”, maturipun kelinci. Kura-kura namung mendel kemawon, amargi kura-kura boten percaya saged menanga anggenipun balapan mlayu.

Wekdal enjangipun, kelinci sampun sombong nengga kura-kura wonten ing sangandhaping wit waringin. Macan uga sampun dumugi kangge dados wasit. Sasampunipun kura-kura wonten mrika lan kewan sanesipun uga wonten, banjur macan ngandharaken tata cara anggenipun balapan. “tata caranipun kados makaten, kelinci kaliyan kura-kura miwiti balapan saking sangandhaping wit pelem menika, banjur mlayu ngantos dumugi wit waringin menika, sinten ingkang ngidak garis finish rumiyin, menika ingkang menang” andharanipun macan. Sedaya kewan wonten mrika sarujuk.

Sasampunipun siap, macan banjur paring tanda kangge miwiti balapan “1, 2, mlayu!!!”. Kelinci langsung mlayu lan mlumpat cepet sanget, ananging kura-kura namung saged mlampah alon lan sakedhik-sakedhik. Kelinci sampun tebih anggenipun mlayu, banjur matur “ cepet kura-kura, kula tengga wonten mriki nggih?” aturipun kura-kura kanthi swara ingkang ngejek. Kelinci banjur ngaso lan nyanyi-nyanyi wonten ing sangandhaping wit. Boten krasa kelinci banjur turu.

Sanajan alon-alon, kura-kura teras mlayu. Kura-kura banjur nglewati kelinci ingkang saweg turu. Teras mlayu lan sampun caket dumugi garis finish. Kelinci tangi, kelinci kaget ningali kura-kura sampun caket kaliyan garis finish. Kelinci banjur mlayu banter banget, ananging kura sampun dumugi garish finish. Kura-kura ingkang menang lan kelinci ingkang kalah. Teras kura-kura nyuwun dhateng kelinci supados boten sombong malih dhateng kewan sanesipun.

Dening            : Rendy Ari Baktiar

NIM    : 10205244025