Pak Muhaimin, “Semangat Kerja Dhuwur Sukses Ana Ing Tangan”

Piyayi klairan Brebes, 19 Juli 1953 iki pancen dudu pejabat negara utawi artis kang misuwur ana ing ibu kota. Ananging Pak Muhaimin kalebu wiraswastawan sukses kang ana ing kutha Bumiayu. Dheweke duwe usaha bengkel las lan konstruksi bangunan.

“Bengkel iki ngadeg ana ing taun 1975, jaman aku isih bujang dhisik”. Mengkono ngendikane Pak Muhaimin kang saiki wis duwe putra telu saka garwane yaiku Ibu Masmukha.

Ora gampang bisa ngadegake bengkel nganti wis tekan umur 37 taun kaya mangkono. Awit anyar-anyare ngadeg jaman biyen mung bisa nampa pesenan las-lasan sakcuil merga alat-alate esih kurang lan karyawan ya durung duwe, nganti saiki wis bisa nampa tender konstruksi bangunan ana ing jumlah partai ged
he kang dirangkul dening karyawan jumlahe 9 lan bisa uga nambah karyawan menawa ora bisa kacekel karo karyawan tetep kang wis ana.

Usaha bengkel Pak Muhaimin kuwi manajemene kabeh dicekel ing tangane dheweke, dheweke piyayine tegas lan disiplin menawa ngatur anak buah. Saben dinane bengkel kang kawastanan Bengkel Remaja kuwi buka ing jam stengah 8 esuk lan tutup ing jam 4 sore. Saluwihe jam kuwi dietung lembur, ya wis mesti ana jatah lembur dhewe nganggo karyawan-karyawane mau, apamaneh Pak Muhaimin kuwi pancen piyayine eman. “Asal karyawane manut lan sregep menawa kerja, wis mesthi Abah bakal eman marang anak buahe”, ngono kuwi omonge Mas Bunyamin karyawan ana ing bengkele Pak Muhaimin.

Pak Muhaimin kuwi sekolahe biyen ora dhuwur-dhuwur banget, mung nganti tingkat SMA, nanging semangate sing pancen dhuwur ana ing gesang iki. Pancen bener Pak Muhaimin ngendika kaya mangkene, “Wong urip ana ing donya apamaneh wong bisnis kuwi kudu aja wedi gagal, gagal ya bangkit maneh aja malah nglumpruk lan putus asa, gagal kuwi cukup dadi pengalaman, menawa aku wedi karo tembung gagal ya aku ora bakal dadi kaya saiki”.

Dening : Rizqi Amalia

(NIM : 10205244036)